एजेन्सी । धेरै रहस्यमय जनजातिहरू संसारका विभिन्न क्षेत्रमा बस्छन् । परम्परा, जीवनशैली र खानाको लागि उनीहरु परिचित छन् । आधुनिक युगमा मानिसहरूले आफ्नो परम्परालाई बिर्सिँदै गएका छन् भने जनजातिहरूले अझै पनि हजारौं वर्ष पुरानो परम्परालाई पालना गरिरहेका छन् ।
आफ्नो बसोबास गर्ने ठाउँमा जनजातिको पूर्ण अधिकार छ । सरकारले पनि जनजातिको अधिकारमा हस्तक्षेप गर्दैन । संसारमा पाइने यी जनजातिहरूमा धेरै अनौठो चलनहरू छन् ।
आज पनि अफ्रिकामा धेरै जनजातिहरू बस्छन्, तिनीहरूको विश्वासको बारेमा थाहा पाउँदा अचम्म लाग्छ । यहाँ फुलानी नामक जातिको बसोबास छ । यो जनजातिमा पुरुषले श्रीमती पाउनको लागि पीडा सहनु पर्ने हुन्छ ।
मिडिया रिपोर्टका अनुसार नाइजेरियामा फुलानी नामको जनजाति बस्छ, जुन पश्चिम अफ्रिकाका धेरै देशहरूमा पाइन्छ । यस जनजातिमा शारोन नामको पर्व मनाइन्छ । यसमा पुरुषले सबैको अगाडि कुटाइ खान्छन् । यो पर्वमा कुन पुरुषले आफ्नो मनपर्ने श्रीमती पाउने भन्ने टुंगो लगाइन्छ । यो जनजातिमा पुरुषले कुटाई खानु उनीहरुको लागि गौरव र सम्मानको कुरा हो ।
यो पर्वमा अविवाहित पुरुषहरुको जमघट हुन्छ । त्यसपछि बुढापाकाले उनीहरूलाई काठको डण्डीले कुटपिट गर्छन् । यसैबीच, अन्य मानिसहरू र युवाका परिवारका सदस्यहरू हेरिरहेका हुन्छन् । यदि युवाले कुटपिटको पीडा सहन सक्दैन भने उसलाई कमजोर मानिन्छ । यसपछि युवती र उनका परिवारका सदस्यले उनलाई विवाहको लागि उपयुक्त बेहुला मान्दैनन् ।
मानिसले जति धेरै पीडा सहन्छ, उसको भावी श्रीमतीप्रतिको माया त्यति नै बढ्दै जाने विश्वास गरिन्छ । पीडा भोग्ने पुरुषले केटीलाई असाध्यै माया गर्छ भन्ने मान्यता छ । उसले केटीको लागि जस्तोसुकै पीडा पनि सहन सक्छ ।
यो प्रतियोगिता केटीहरूको लागि हो । बिजेता केटाले आफ्नो मनपर्ने केटीलाई विवाहको लागि रोज्न सक्छ ।
