काठमाडौँ । राजधानीको थापागाउँस्थित मण्डला नाटकघरमा मंसिर १५ गतेदेखि नाटक ‘मानिस हराएको सुचना’ मञ्चन भइरहेको छ ।
२४ गतेसम्म चल्ने नाटक सोमबारबाहेक हरेकबार साँझ पाँच बजे र शनिबार दिउँसो एक बजे मञ्चन हुनेछ । ब्लु डाईमन्ड सोसाईटि, झ्याल आर्ट, ऐभरेष्ट फिल्म ऐकेडेमी र मण्डला नाटकघरको सहयोगमा नाटक मञ्चन गरिएको हो ।
अमित गिरीले लेखेको नाटकमा गिरी र सन्तोष बिष्टको संयुक्त रुपमा निर्देशन रहेको छ । नाटकमा सबिन राई, सोनिका शाही ठकुरी, रोमस राय ठकुरी, स्नेहा जोशी, साईमन थापा, दीपक कोइराला लगाएका १३ जना कलाकारहरुले अभिनय गरेका छन् ।
सामाजिक बिषयलाई उठान गरिएको नाटकमा वर्तमान समाजको यथार्थ कुराहरुलाई मनोरन्जनात्मक रुपमा प्रस्तुत गर्न खोजिएको निर्देशक तथा कलाकार सन्तोष बिष्टले जानकारी दिए ।
निर्देशक तथा कलाकार बिष्टका अनुसार आफ्नो कुराहरु समाजमा खुलेर बोल्न डराईरहेका मानिसहरुको कथा, आफ्नो अस्तित्व बिर्सिएका मानिसहरुको कथा, मानिसको व्यक्तिगत जिन्दगीमा परिवार, समाज र राष्ट्रले प्रतक्ष अप्रतक्ष रुपमा पारिरहेको प्रभावको कथा नाटकमा हेर्न पाईनेछ ।
