काठमाडौं । बलिउड अभिनेता अक्षय कुमार कोरोना भाइरसबाट मुक्त भएका छन् ।
उनले कोरोना भाइरस संक्रमण भएको एक दिनपछि अस्पताल भर्ना भई उपचार गराएका थिए । अक्षयकी पत्नी तथा पूर्व नायिका ट्विंकल खन्नाले एक कार्टुन पोस्ट गर्दै अक्षयले कोरोना जितेको बताएकी छन् ।
केही समयअघि ‘राम सेतु’को छायाङ्कनका क्रममा कुमारलाई कोरोना पोजिटिभ देखिएको थियो । संक्रमण भएपछि उनी छुट्टै (आइशोलेसनमा) बसेका थिए ।
अक्षय कुमार संक्रमणमुक्त भएपछि घर फर्किएका छन् । हाल उनी सुरक्षित र स्वस्थ रहेको पनि खन्नाले जानकारी गराएकी छन् ।
