एजेन्सी । रणवीर सिंहको फिल्म ‘धुरन्धर’ रिलिज भएको छ दिन भइसकेको छ। यो फिल्म कमाईको हिसाबले लगातार अगाडि बढिरहेको छ।
छैटौँ दिन फिल्मले २६.५० करोड रुपैयाँ कमाइ गर्यो, जसपछि भारतीय बक्स अफिसमा यसको कुल कलेक्शन १८० करोड रुपैयाँ पुगेको छ।
त्यसैगरी, धनुष र कृति सेननको फिल्म ‘तेरे इश्क में’ भने सुस्त गतिमा कमाइ गरिरहेको छ।
सैकनिल्कका अनुसार, धुरन्धर केवल राम्रो कमाइ गरिरहेको छैन, यसले शाहरुख खानको फिल्म पठान को छैटौँ दिनको २६.५ करोड रुपैयाँ कमाइलाई पनि पछाडि पारेको छ। यस्तै, यस फिल्मले सैयारा लाई पनि उछिनेको छ, जसले रिलिजपछि छ दिनमा २१.५ करोड रुपैयाँ कमाइ गरेको थियो।
त्यस बाहेक, धुरन्धर को विश्वव्यापी कमाइको कुरा गर्दा फिल्मले पाँच दिनमै करिब २३३.५० करोड रुपैयाँ कमाइ गरेको थियो। अहिले यो फिल्मले २५०–२६० करोड रुपैयाँ आसपास कमाइ गरिसकेको छ। चार दिनमै यसले विदेशमा ५० करोड रुपैयाँभन्दा बढी कमाइ गरेको थियो।
धनुष र कृति सेननको ‘तेरे इश्क में’ करिब ८५ देखि ९५ करोड रुपैयाँ बजेटमा बनेको हो। बुधबार यस फिल्मले १.८५ करोड रुपैयाँ कमाइ गर्यो, जसपछि यसको कुल घरेलु कलेक्शन १०७ करोड रुपैयाँ पुगेको छ। विश्वव्यापी बक्स अफिसमा भने यो फिल्मले हालसम्म १४६ करोड रुपैयाँभन्दा बढी कमाइ गरेको छ।
