काठमाडौँ । मनाङ एयरको ‘९–एन–एमभी’ हेलिकप्टर दुर्घटनामा मृत्यु भएका ६ जनाको शव पोष्टमार्टमका लागि त्रिवि शिक्षण अस्पतालमा ल्याइएको छ ।
शव पोष्टमार्टमका लागि आज ५ः३० बजे हेलिकोप्टरमार्फत काठमाडौँ ल्याइएको हो ।
दुई हेलिकप्टरमाफर्त शवलाई काठमाडौँ ल्याइएको हो । सोलुखुम्बुको सुर्केबाट आज बिहान काठमाडौँ उडान भरेको उक्त हेलिकोप्टर दिउँसो सोलुखुम्बुकै लिखुपिके गाउँपालिका–५ लाम्जुरापास नजिक दुर्घटनाग्रस्त अवस्थामा फेला परेको थियो ।
दुर्घटनामा हेलिकप्टरका पाइलट क्याप्टेन चेतबहादुर गुरुङसहित पाँच जनाले ज्यान गुमाएका छन् । दुर्घटनामा मृत्यु हुनेमा मेक्सिकन नागरिक फर्नान्डो सिफुग्नेट्स, रिनकन इस्माइल, एबरिका गोन्जालेक्स, ओलासियो गोन्जालेज र मारिया होजे सिफुन्तेस छन् । उनीहरु एकै परिवारका हुन् ।
