• ११ जेष्ठ २०८१, शुक्रबार
  •      Fri May 24 2024
  •   Unicode
Logo
Latest
★   बीसीसीआईले मुख्य प्रशिक्षकको लागि अष्ट्रेलियालीलाई प्रस्ताव गरेको छैन: जय शाह ★   सुरक्षित मातृत्व सेवा सरकारले थप व्यवस्थित बनाउन जरुरी:सभापति डा.राणा ★   पपुवा न्युगिनीमा पहिरोमा परी करिब १०० जनाको मृत्यु भएको आशङ्का ★   राष्ट्रिय वाणिज्य बैंक लिमिटेडका नवनियुक्त प्रमुख कार्यकारी अधिकृत खनालद्वारा पदभार ग्रहण ★   क्यान्सरको जोखिम पहिचान गर्न स्वास्थ्य शिविर ★   डोजर लगाएपछि बागलुङका ताल सुक्दै ★   संसदलाई विधिसंगत रुपमा छलफलको केन्द्र बनाऔं: सभामुख घिमिरे ★   व्यावसायिक चियाखेतीसँगै पर्यटन प्रवर्द्धनमा भोजपुरका रञ्जित ★   कांग्रेसको अवरोधपछि प्रतिनिधिसभाको बैठक स्थगित ★   धावनमार्गमा खाल्डो परेपछि त्रिभुवन विमानस्थल ४५ मिनेटको लागि बन्द

ज्वाइँलाई गधामा चढाएर होली मनाइने यो अनौठो गाउँ



एजेन्सी । रङहरुको पर्व होली नेपालसहित भारतमा पनि देशैभर हर्षोल्लासका साथ मनाइँदैछ । 

होली पर्व भारतका विभिन्न जिल्लामा फरक–फरक तरिकाले मनाइन्छ । जसमध्ये भारतको एउटा यस्तो ठाउँ रहेको छ जहाँ होली अनौठो तरिकाले मनाइन्छ, जसको बारेमा थाहा पाउँदा तपाईं अचम्म पर्नुहुनेछ । 

महाराष्ट्रको बीड जिल्लामा होली अनौठो तरिकाले मनाइन्छ । यहाँ होलीको दिन ज्वाइँलाई गधामा बोकेर घुम्ने गरिन्छ । बीड जिल्लामा ८० वर्षदेखि यसरी होली मनाउने चलन रहँदै आएको छ । 

बीड जिल्लाको एउटा गाउँमा यसरी होली मनाउने चलन चलिआएको हो । यस गाउँमा मानिसहरूले होलीको दिन आफ्नो नयाँ ज्वाइँलाई घर आउन निम्तो दिन्छन् ।

बीड जिल्लाको यो गाउँमा ती ज्वाइँको खोजी गरिन्छ जसको हालसालै विवाह भएको हुन्छ । यो अनौठो परम्परा गाउँको ज्वाइँसँग गरिन्छ । होलीको दिन ज्वाइँलाई गधामा बसाएर रङ लगाई घुमाउने गरिन्छ । यसबाहेक ज्वाइँलाई मानिसले उपहार पनि दिने गर्छन् ।

करिब ८० वर्षअघि बीड जिल्लाको विडा येवता गाउँमा एक देशमुख परिवार रहेको थियो । यस परिवारका ज्वाइँले होलीको दिन रङ लगाउन मानेनन् । यसपछि ससुराले उनलाई रङ्ग लगाउन मनाए । यसपछि ससुराले फूलले सजाइएको गधा ल्याउने आदेश दिँदै आफ्नो ज्वाइँलाई त्यसमा बसाएर पूरै गाउँ घुमाए । त्यसयता यो चलन चल्दै आएको हो ।

मिडिया रिपोर्टका अनुसार आनन्दराव देशमुख नामका व्यक्तिले यो परम्परा सुरु गरेका थिए । आफ्नो ज्वाइँसँग यस्तो होली मनाउने उनी पहिलो व्यक्ति हुन् ।