काठमाडौँ । ईन्डियन प्रिमियर लिग(आईपीएल) मा आज मंगलबार साबिक विजेता गुजरात टाइटन्स र मुम्बई इन्डियन्स भिड्दैछन् ।
गुजरातको घरेलु मैदान नरेन्द्र मोदी क्रिकेट स्टेडियममा हुने खेल नेपाली समयअनुसार बेलुका ७ः४५ बजेबाट सुरु हुनेछ ।
यस सिजनमा गुजरात र मुम्बई दुवैले ६ खेल खेलिसकेका छन् । ६ खेलमा गुजरातले ४ खेल जित्दा २ खेल हारेको छ भने मुम्बईले ३ खेल जित्दा ३ खेलमा हार बेहोरेको छ । अंकतालिकामा गुजरात चार स्थानमा छ भने मुम्बई सातौ स्थानमा छ ।
अन्तिम खेलमा गुजरातले लखनऊ सुपर जाइन्ट्सलाई ७ रनले पराजित गरेको थियो। कम स्कोरको खेलमा गुजरातका ऋद्धिमान साह र हार्दिक पाण्डेयको उत्कृष्ट खेलमा पहिले ब्याटिङ गर्दै १३५–६ रन बनाएको थियो । पछि, दोस्रो इनिङ्समा गुजरातले लखनऊलाई डेथ ओभरमा १२८–७ मा सीमित गर्यो।
मुम्बईको कुरा गर्दा रोहित शर्माको नेतृत्वमा रहेको टोली आफ्नो अन्तिम खेलमा पञ्जाब किंग्ससँग ७ रनले पराजित भएको थियो । २१४–८ को हाई स्कोरिङ भिडन्तमा, पञ्जाबका साम कुरानले ५५ र हरप्रीत सिंहले ४१ रन बनाएको थिए। दोस्रो इनिङ्समा मुम्बईका क्यामरन ग्रीन ६७ र सूर्यकुमार यादव ५७ रनको उत्कृष्ट खेलको बावजुद पनि अन्तिम बलसम्म मुम्बई २०१–६ मा सिमित रहन पुग्यो।
आईपीएलमा मुम्बई इन्डियन्स र गुजरात टाइटन्सले गत सिजनमा १ खेल मात्र खेलेका छन् । उक्त खेलमा मुम्बई इन्डियन्सले गुजरातलाई ५ रनले पराजित गरेको थियो ।
