काठमाडौं । प्रधानमन्त्री वालेन्द्र शाहसँग भारतीय राजदूत नवीन श्रीवास्तवले शिष्टाचार भेटवार्ता गरेका छन्। सोमबार सिंहदरबारस्थित प्रधानमन्त्री तथा मन्त्रिपरिषद्को कार्यालयमा भएको भेटमा राजदूत श्रीवास्तवले भारतीय प्रधानमन्त्री नरेन्द्र मोदीको शुभकामना सन्देश प्रधानमन्त्री शाहलाई हस्तान्तरण गरेका हुन्।
भेटका क्रममा नेपाल–भारतबीचको द्विपक्षीय सम्बन्ध, पारस्परिक हित तथा विकास साझेदारीका विषयमा छलफल भएको भारतीय राजदूत श्रीवास्तवले बताएका छन्।
भेटवार्तापछि सामाजिक सञ्जालमार्फत जानकारी दिँदै उनले नेपाल र भारतबीचको ‘मजबुत एवं बहुआयामिक साझेदारीलाई अझ सुदृढ बनाउने’ विषयमा सकारात्मक तथा फलदायी छलफल भएको उल्लेख गरेका छन्।
प्रधानमन्त्री शाहको सचिवालयका अनुसार भेटमा नेपाल–भारत मित्रता, पारस्परिक हित, विकास साझेदारी र दुई देशबीचको सहकार्यका विविध पक्षबारे छलफल भएको थियो।
https://x.com/navsri6619/status/2086704276546736204?ref_src=twsrc%5Etfw%7Ctwcamp%5Etweetembed%7Ctwterm%5E2086704276546736204%7Ctwgr%5E5b65a1da259ca9c1ee9fffac323de3dd98e492b9%7Ctwcon%5Es1_&ref_url=https%3A%2F%2Fnepalkhabar.com%2Fpolitics%2F283194-2026-8-10-12-43-24
