• १० असार २०८१, सोमबार
  •      Mon Jun 24 2024
  •   Unicode
Logo
Latest
★   ऊर्जामन्त्री बस्नेत समक्ष विद्युत् नियमन आयोगका अध्यक्षको शपथ ★   निर्मला पन्तको हत्याबारे गृहमन्त्री: नतिजाउन्मुख छौँ ★   प्रधानमन्त्रीसँग चिनियाँ उपविदेशमन्त्रीको शिष्टाचार भेट ★   काठमाडौँ महानगरपालिकाको बजेट २५ अर्ब ७० करोड ★   अपाङ्गताले छेकेन पार्वतीको उद्यमी बन्ने रहर ★   अयोध्यामा राम मन्दिर बनाउन नेपालबाट लगिएको शालिग्राम नेपालले फिर्ता पाउनुपर्छ: वामदेव गौतम ★   भारत र अष्ट्रेलियाको खेलअघि सेन्ट लुसियामा भीषण वर्षा ★   नेपालको अलैंचीलाई विश्व बजारमा निर्यात गर्न कुटनीतिक पहल गर्नुपर्छ: सभामुख घिमिरे ★   नेपाली अलैंची विश्व बजारमा निर्यात गर्न सरकारले पहल गरिरहेको छ: कृषिमन्त्री साह ★   ‘मुन्ज्या’ले १०० करोड कमायो

नयाँ शैक्षिक सत्रका लागि चैत १५ भित्रै पुस्तक प्रकाशन गरिसक्ने



काठमाडौँ । जनक शिक्षा सामग्री केन्द्रले नयाँ शैक्षिक सत्रका लागि यही चैत १५ गतेभित्र पुस्तक प्रकाशन गरिसक्ने बताएको छ ।

आगामी १ वैशाखदेखि सुरु हुने नयाँ शैक्षिक सत्रका लागि अब करिब १० प्रतिशत मात्र पुस्तक छाप्न बाँकी रहेको बताएको छ । बाँकी १० प्रतिशत यसै साताभित्र प्रकाशन गरिसक्ने केन्द्रका प्रबन्ध निर्देशक अनिलकुमार झाले बताउनुभयो ।

नयाँ शैक्षिक सत्र वैशाख १ गतेदेखि सुरु हुँदैछ । केन्द्रले यसका लागि बाहिरी जिल्लालाई प्राथमिकता दिएर पाठ्यपुस्तक छापेको र छापिसकेका पुस्तकहरु केन्द्रका शाखा कार्यालयमा पठाउने क्रम जारी राखेको छ ।

केन्द्रले उपत्यका नजिकैका केही जिल्ला र उपत्यकामा १५ दिनभित्र छपाइ कार्य सकेर उपलब्ध गराउने र चैत १५ गतेदेखि विक्री सुरु गर्ने प्रबन्ध निर्देशक झाले बताउनुभयो । नयाँ शैक्षिक सत्रको सुरुआतमै विद्यार्थीहरुको हातमा पुस्तक पुगिसक्ने उहाँको भनाइ छ ।

सरकारले केन्द्रलाई यस वर्ष ६ देखि १० कक्षासम्मको निजी प्रकाशकलाई कक्षा १ देखि ५ सम्मको पुस्तक छाप्न दिएको छ ।