• ४ श्रावण २०८१, शुक्रबार
  •      Fri Jul 19 2024
  •   Unicode
Logo

नेपाली अलैंची विश्व बजारमा निर्यात गर्न सरकारले पहल गरिरहेको छ: कृषिमन्त्री साह



काठमाडौँ । कृषि तथा पशुपंक्षी विकासमन्त्री ज्वालाकुमारी साहले नेपालमा उत्पादित अलैंचीलाई विश्व बजारमा निर्यातको लागि सरकारले पहल गरिरहेको छ ।

सोमवार ललितपुरमा आयोजित ‘अलैंचीबारे वर्तमान स्थिति अवसर र चुनौती’ विषय राष्ट्रिय सम्मेलनमा बोल्दै कृषिमन्त्री साहले यस्तो बताउनुभएको हो ।

उहाँले विश्व बजारमा नेपाली अलैंचीको माग बढ्दै गएकाले जीटुजीमार्फत निर्यात गर्ने गरी समन्वय र छलफल भइरहेको बताउनु भयो । उहाँले अलैंची विश्व बजारमा निर्यातको लागि नीतिगत रुपमा सहजिकरण गर्नको लागि पुराना कानूनलाई संशोधन गर्ने तयारमा सरकार रहेको बताउनु भयो । मन्त्री साहले अलैंची निर्यातको लागि नीतिगत र राजश्वको विषयलाई नीतिगत रुपमा सुधार गर्न जरुरी रहेको बताउनु भयो । उहाँले कृषिमा बैंकको कर्जा र सरकारले लिने अनुदान कृषि गर्न चाहने किसानहरुको हातमा पुग्न नसकेको स्वीकार गर्नुभयो ।

उहाँले कृषिमा राम्रो काम गर्नेहरु पुँजीको अभावजमा काम गरिरहने तर काम गर्न नचाहने काम चोरहरु फाइल लिएर हिडेकाहरु अनुदान लिएर दुरुपयोग गरेको बताउनु भयो । उहाँले समृद्धि मुलुक बनाउने र जनतालाई सुखी बनाउने सपना लिएर हिँडे पनि यस्त विकृतिबाट देश समृद्ध हुन नसक्ने बताउनु भयो । उहाँले सरकारले अब यस्ता विकृति र गलत काम गर्नेको पहिचान गरी कारबाही गर्ने बताउनु भयो । उहाँले कृषि क्षेत्रमा रहेको विकृती मन्त्री एकलैले हटाउन सक्ने भन्दै सबैको साथ सहयोग आवश्यक रहेको बताउनु भयो। उहाँले प्रधानमन्त्री कृषि परियोजनामार्फत सुपर जोनको हिसाबले अलैँची खेतीलाई बढावा दिएर निर्यातमा जोड दिन आवश्यक रहेको बताउनु भयो ।

उहाँले भन्नुभयो,‘कृषि मन्त्रालयलाई दोस्रो प्राथमिकताका साथ बजेट तर्जुमा गर्नुपथ्र्यो । सबैभन्दा महत्वपूर्ण मन्त्रालय हुँदाहुँदै पनि बजेटको अभाव पनि छ । सबैभन्दा बढी छलफल गर्नुपर्ने विषयहरु कृषि मन्त्रालयमा पर्छ । नेपालमा उत्पादित अलैंचीको विश्व बजारमा माग बढेको छ । नेपाली अलैंचीलाई निर्यातको लागि जीटुजी मार्फत जाने विषयमा समन्वयको लागि छलफल भइरहेको छ । निर्यातको लागि नीगित र राजश्वको विषय पनि उठेको छ । त्यसको लागि नीतिगत सुधार गर्न जरुरी छ । नीतिहरु बने पनि विभिन्न कारणले अल्झिएको अवस्था छ । त्यसको लागि कानूनलाई संशोधन गरी प्राथमिकताका साथ जान आवश्यक छ । बैंकको कर्जा र सरकारले लिने अनुदान कृषि गर्न चाहने किसानहरुको हातमा पुग्न सकेको छैन । कृषिमा राम्रो काम गर्नेहरु काम गरिरहनु भएको छ । सरकारले कृषिमा दिने अनुदान काम गर्न नचाहने काम चोरहरु फाइल लिएर हिँडेकाहरु अनुदान पायो तर अनुदानको नाममा दुरुपयोग गरेको भेटिन्छ । तर हामी समृद्धि मुलुक बनाउने र जनतालाई सुखी सपना लिएर हिँडिरहेका छौं । तर यो तरिकाले हुँदैन । यस्तो विकृतिबाट देश समृद्ध हुँदैन । हामी विकृति र गलत कामलाई प्ररास्त गर्नको लागि सबैको साथ सहयोग आवश्यक छ । प्रधानमन्त्री कृषि परियोजना मार्फत सुपर जोनको हिसाबले अलंैची खेतीलाई बढवा दिनुपर्छ । अलैंचीलाई निर्यातमा जोड दिनुपर्छ ।’

उहाँले कृषि मन्त्रालयलाई दोस्रो प्राथमिकताका साथ बजेट तर्जुमा गर्नुपर्ने भएपनि सबैभन्दा कम गरिएको गुनासोल बताउनु भयो । उहाँले सबैभन्दा महत्वपूर्ण मन्त्रालय हुँदाहुँदै पनि बजेटको अभाव रहेको बताउनु भयो ।