काठमाडौँ। गाजा सिटीको दक्षिण–पश्चिमी क्षेत्रस्थित तेल अल–हवामा भएको इजरायली हवाई आक्रमणमा परी चार प्यालेस्टाइनी नागरिकको मृत्यु भएको छ ।
उक्त घटनामा अन्य १० जना घाइते भएका छन् । स्थानीय सुरक्षा स्रोतकाअनुसार इजरायली ड्रोनले तेल अल–हवा छिमेकमा गुडिरहेको एउटा सवारी साधनलाई लक्षित गरी कम्तीमा एक मिसाइल प्रहार गरेको थियो ।
आक्रमणको प्रभावका कारण सवारी साधनमा रहेका र आसपासका सर्वसाधारण हताहत भएका हुन् । घटनालगत्तै उद्धारका लागि खटिएका टोलीले घाइतेहरूलाई तत्काल अस्पताल पु¥याएको थियो ।
अल–शिफा मेडिकल कम्प्लेक्सका चिकित्सकहरूले चार जनाको शव अस्पताल ल्याइएको र १० जना घाइतेको उपचार भइरहेको पुष्टि गरेका छन् ।
यद्यपि, इजरायली सैन्य बलले यस घटनाका सम्बन्धमा हालसम्म आधिकारिक प्रतिक्रिया सार्वजनिक गरेको छैन । गाजा क्षेत्रमा जारी द्वन्द्वका कारण पछिल्लो समय सर्वसाधारणको जीवन जोखिममा परेको र यस्ता आक्रमणहरूले मानवीय संकट थप गहिरिएको मानव अधिकारवादी संस्थाहरूले जनाउँदै आएका छन् । सिन्ह्वा/ न्युज एजेन्सी नेपाल
