• ४ श्रावण २०८१, शुक्रबार
  •      Fri Jul 19 2024
  •   Unicode
Logo
Latest
★   कोटेश्वरस्थित गेष्टहाउसबाट छ जना बालिकाको उद्धार ★   खोटाङको एउटै पालिकामा ७४ टन लिच्ची उत्पादन ★   पहिराेले फक्ताङलुङ गाउँपालिका केन्द्रमा क्षति ★   सुहाङ नेम्वाङ भन्छन्– विकास र समृद्धिको बाधक के हो ? को हो ? ★   रोटरी क्लब अफ स्वयम्भूद्वारा वृक्षरोपण ★   राजाको कुरा गरेर निरङ्कुशता खोजेको होइन : कमल थापा ★   महिला एसिया कपमा नेपालले युएईसँग प्रतिस्पर्धा गर्दै ★   हार्दिक पाण्ड्या–नताशाको सम्बन्धविच्छेद, दुबैले पुष्टि गरे ★   बाग्मती, गण्डकी, लुम्बिनी र सुदूरपश्चिम प्रदेशका केही स्थानमा भारी वर्षाको चेतावनी ★   बजार चलायमान बनाउने र सेयर कर्जा खुकुलो पार्ने तयारी

‘मुन्ज्या’ले १०० करोड कमायो



एजेन्सी । बलिउड हरर कमेडी फिल्म ‘मुन्ज्या’ ले तेस्रो हप्तामा पनि उत्कृष्ट कलेक्सन गरिरहेको छ । आइतबार यो फिल्मले ७ करोड २० लाखको व्यापार गरेको थियो ।

योसँगै फिल्मको कुल कलेक्सन १०३ करोड पुगेको छ । नेट कलेक्शनको हिसाबले फिल्मले अहिलेसम्म ८७.३१ करोड कमाइसकेको छ । आइतबार फिल्मको समग्र ओक्युपेन्सी ३३.०१ प्रतिशत थियो ।

सबैभन्दा ठूलो कुरा के हो भने ‘मुन्ज्या’ यो वर्षको छैटौं सर्वाधिक कमाउने फिल्म बनेको छ । हालै रिलिज भएका ‘श्रीकान्त’, ‘मिस्टर एण्ड मिसेस माही’, ‘बडे मियाँ छोटे मियाँ’ र ‘मैदान’ जस्ता ठूला स्टारकास्ट भएका फिल्मभन्दा यो फिल्मले धेरै कमाइ गरेको छ ।

फिल्मले तेस्रो सप्ताहन्तमा १६ करोड ३१ लाख रुपैयाँ कमाएको छ । फिल्मले शुक्रबार ३.३१ करोड, शनिबार ५.८० करोड र आइतबार ७.२० करोडको व्यापार गरेको थियो । यसअघि ‘मुन्ज्या’ ले पहिलो विकेन्डमा ३६.५० करोड र दोस्रो विकेन्डमा ३४.५० करोड कमाएको थियो ।

शर्वरी, अभय र मोना सिंह अभिनित चलचित्र ‘मुन्ज्या’को वर्ड अफ माउथ पब्लिसिटी देखेर ट्रेड एनालिस्टले तेस्रो साता पनि फिल्मले राम्रो व्यापार गर्ने आशा गरेका थिए । यसले १७ दिनमा १०० करोड कमाएर कीर्तिमान बनाएको छ ।

यो फिल्मले बिहीबारसम्म पनि राम्रो व्यापार गर्न सक्छ । यसपछि जुन २७ मा मल्टिस्टार फिल्म ‘कल्की २८९८ एडी’ रिलिज भएपछि यसको कलेक्शनमा असर पर्नेछ ।