काठमाडौँ । काठमाडौँ महानगरपालिकाले नयाँ बानेश्वरदेखि त्रिभुवन अन्तर्राष्ट्रिय विमानस्थलसम्म फुटपाथमा राखिएका निर्माण सामग्री हटाउन थालेको छ ।
फुटपाथमा विभिन्न व्यवसायका निर्माण सामग्रीले फुटपाथमा यात्रुलाई हिँड्न सकस भइरहेको अवस्थामा महानगरले फुटपाथलाई खाली गराउन पहल थालेको हो । खासगरी यो क्षेत्रमा हार्डवेयरका व्यवसायीहरुले फुटपाथमा फलामे छडसहितका निर्माण सामग्री फुटपाथमा राख्ने गर्दथे ।
महानगरले कालीमाटीदेखि कुलेश्वरको गणेशस्थानसम्म पनि फुटपाथमा राखिएका निर्माण सामग्री हटाउने अभियान थालेको छ ।
यसअघि महानगरले दरबारमार्गमा फुटपाथमा पार्किङ गरेर राखिएका मोटरसाइकल तथा अन्य सवारी साधन हटाएपछि दरबारमार्ग सुनसान देखिएको थियो ।
