एजेन्सी । नेदरल्यान्ड्सका पत्रकार पिटर आर डे भ्रिसमाथि गोली प्रहार भएको छ ।
प्रहरीका अनुसार मंगलबार राजधानी आम्स्टर्डमको सडकमा चर्चित क्राइम रिपोर्टर भ्रिसमाथि गोली प्रहार भएको हो ।
गोली लागेका उनको स्वास्थ्य अवस्था गम्भीर रहेको अन्तर्राष्ट्रिय सञ्चारमाध्यमहरुले जनाएका छन् ।
प्रहरीले यस घटनाबारे अनुसन्धान थालेको छ । मिडिया रिपोर्ट अनुसार अनुसार डेभ्रिसमाथि पाँचपटक गोली प्रहार गरिएको थियो ।
डे भ्रिस टेलिभिजन स्टुडियोबाट बाहिरिएको केही समयमा नै उनीमाथि गोली प्रहार भएको बताइएको छ ।
डे भ्रिसले गरेको यसअघि विभिन्न मुद्दामा गरेको खोज रिपोर्टिङको विषयलाई लिएर उनीमाथि ज्यान मार्ने धम्की आउने गरेको खुलेको छ ।
