काठमाडौं । नेपाली कांग्रेसको १४ औँ महाधिवेशनमा सभापति शेरबहादुर देउवा इतर खेमाबाट पार्टी नेतृत्व लिन आकाक्षीहरु एकै ठाउँमा छलफल गर्दै छन् ।
पौडेल खेमाबाट अगिल्लो महाधिवेशनमा देउवा खेमामा पुग्नु भएका नेता अर्जुन नरशिंह केसीको अगुवाईमा सभापतिका आकाक्षीहरु छलफल गर्न लागेका हुन् । शुक्रबार अपराह्न चार बजे हुने भनिएको छलफलमा भरसक देउवा बिरुद्ध साझा उम्मेबार तय गर्न प्रयास गरिने एक नेताले जानकारी दिनुभयो ।
पार्टी नेतृत्वको लागि सभापति देउवासहित वरिष्ठ नेता रामचन्द्र पौडेल, उपसभापति बिमलेन्द्र निधि, महामन्त्री डा. शशांक कोइराला, पूर्वमहामन्त्रीहरु प्रकाशमान सिंह, कृष्ण सिटौला, केन्द्रीय सदस्य डा. शेखर कोइराला र कल्याण गुरुङले सभापतिमा उम्मेदवारी दिने बताउनु भएको छ । कांग्रेस महाधिवेशन १६ देखि १९ भदौसम्म काठमाडौंमा हुँदैछ ।