काठमाडौं । नेपालले पाकिस्तानविरुद्धको मैत्रीपूर्ण खेलमा जित निकालेको छ ।
त्रिपुरेश्वरस्थित दशरथ रंगशालामा बुधबार भएको खेलमा नेपालले पाकिस्तानलाई १–० गोल अन्तरले हराएको हो ।
नेपाललाई जित दिलाउन अन्जन विष्टले निर्णायक गोल गरे । खेलको ८२ औं मिनेटमा अन्जनले गोल गरेका हुन् । अन्जनलाई सुनिल बलले पास उफब्ध गराए ।
नेपालको लागि अन्जनको यो ११ औं अन्तराष्ट्रिय गोल हो । दशरथ रंगशालामा नेपालले आज ५० औं खेल खेलेको थियो ।
पाकिस्तान फिफाको निलम्बनबाट फुकुवापछि पहिलो अन्तराष्ट्रिय खेल खेल्नका लागि नेपाल आएको हो ।
