काठमाडौं । मानिस सामाजिक प्राणी भएकै कारण हामी एक अर्काप्रति सम्मान र सहयोगको भावना राख्दछौं । कसैले गाएर, कसैले नाचेर, कसैले लेखेर, त कसैले बोलेर यो समाजलाई सकेको टेवा र सेवा दीईरहेकै हुन्छन् । समाजमा रहेपछि हामी हरेक नागरिकको दायित्व हुन्छ एक अर्कालाई सहयोग गरौं । एक आर्का बिचको मानवताको भावनाले नै संसार अडेको छ । यो समाज बस्न लायक बनेको छ ।
सांगितिक क्षेत्रको कुरा गर्ने हो भने पनि बेला बेला हाम्रा संगित श्रष्टाहरुले पनि आफ्ना गला र कलाले समाजलाई कुनै न कुनै कोणबाट सहयोग गरेका छन् । तिनै श्रष्टाहरुमध्ये हरेक पटक नेपाली समाजमा भएका समस्या र कुरितिहरुको बारेमा आफ्नो गला चलाउने गायक हुन् प्रकाश सपूत । गायक प्रकाश सपूतले नेपाली समाजलाई पछिल्लो समय निकै मार्मिक गितहरुको कोसेली दिएका छन् । उनका गलबन्दी च्यातियो देखी लिएर कुरा बुझ्न पर्च सम्मको सांगितिक कोसेलीले हाम्रो समाजलाई निकै प्रभाव पारेको छ ।
गायक प्रकाश सपूतले आफ्ना संगितको जादुले त नेपालीहरुको मन जितेकै छ, साथ साथै उनको सहयोगी मनले आज साच्चैं नेपालीहरुमाझ उनी प्रतिको सम्मान अझै बढाएको छ । गायक प्रकाश सपूत र उनको टीमले रक्षा नेपाललाई २५ हज़ार रुपैँया, केही थान स्यानिटरी प्याड, र केही थान नूडल्स सहयोग गरेका छन् । यूट्यूब को ट्रेन्डिङ नम्बर एकमा परिरहेको गायक प्रकाश सपूतको “कुरा बुझ्नु पर्च” बोलको गितको टीमको तर्फवाट यो सहयोग रक्षा नेपाललाई गरिएको हो ।
रक्षा नेपालले गायक प्रकाश सपूत र उनको टिमलाई सो सहयोगको निम्ती आभार समेत व्यक्त गरेका छन् । साँच्चै नेपाली कलाकारहरु मनका पनि धनी छन् भन्ने कुराको उदाहरण हो यो सहयोग । समाजमा रहेको हरेक विसंगती, कुरितिको र समकालीन समस्याहरुलाई आफ्नो गितको मार्फत एउटा मिठो कोसेलीको स्वरुप दिएर पस्कन सक्ने क्षमतावान गायक प्रकाश सपूतको यो सहयोगी भावनालाई सलाम छ ।
