काठमाडौं । प्रधानमन्त्री शेरबहादुर देउवा सहभागी एक कार्यक्रममा नागरिकता विधेयक र एमसीसीको विरोध गर्दा पक्राउ परेका तीन युवा रिहा भएका छन् ।
भीमसेन थापा स्मृति प्रतिष्ठानको कार्यक्रममा प्रधानमन्त्रीले सम्बोधन गर्न लाग्दा प्लेकार्डसहित नागरिकता विधेयक खारेज गर, एमसीसीको मतियार शेरबहादुर देउवा मुर्दावाद, राष्ट्रियताको रक्षा गरौं, स्वाधीनताको रक्षा गरौंजस्ता नारा लगाउने सोम शर्मा ,बिप्लव खड्का, अर्जुन पौडेललाई सुरक्षाकर्मीले पक्राउ गरेका थिए ।
अभियन्ता राजानन्द माण्डव्यका अनुसार राष्ट्रघाती कदमको बिरोध गरेर दुई दिन देखि हिरासतमा रहेका योद्धाहरुलाई ,नागरिकको व्यापक जनदबाब पछि अहिले रिहा गरिएको छ ।
पक्राउ परेका तीनै जनालाई मालिगाउँ प्रहरी बृत्तमा राखिएको थियो ।
