शुक्रबारबाट रिलिजमा आएको चलचित्र ‘जाइरा’ ले दर्शकको मन जित्न त्यति सफल नभएको कारण यसको व्यपार पनि निकै नै कम मात्रामा भएको छ । ‘सेलिब्रिटी शो’ नाम दिएर आयोजना गरिएको चलचित्रको प्रदर्शनमा पुगेका कलाकारहरुले नायिका नम्रता श्रेष्ठको अभिनयको प्रशंसा भने गरेका थिए ।
नायक भूवन केसीले नम्रताले फरक भूमिका गरेको भन्दै प्रशंसा गरेका थिए । उनले, खलपात्रको भूमिकामा देखिएकी श्रृजना रेग्मीको भूमिका पनि उत्कृष्ट लागेको पनि सुनाए । कलाकार सुनिल थापा, नायिका केकी अधिकारी, रीमा विश्वकर्मा लगायतले पनि नम्रताको कामको प्रशंसा गरेका थिए ।
नायिका अधिकारीले भनिन्–‘मेरो दिमागमा अझै पनि क्लाइमेक्सको दृश्य बसिरहेको छ । श्रृजना, प्रमोद, अनुपको काम उम्दा छ ।’ प्रशन्न गोपाली कार्यकारी निर्माता रहेको यस चलचित्रलाई बाबु श्रेष्ठले खिचेका हुन् । यो चलचित्र निर्देशन आशुतोष राज श्रेष्ठले गरेका हुन् ।
