काठमाडाैँ । सरकारले ‘नेपाल–भारतबीच दीर्घकालीन विद्युत् व्यापार गर्ने सम्बन्धी सम्झौता’ प्रतिनिधि सभामा पेश गरेको छ ।
बिहीवारको सभाको बैठकमा उर्जा, जलस्रोत तथा सिंचाईमन्त्री विराजभक्त श्रेष्ठले उक्त सम्झौता जानकारीको लागि पेश गर्नुभएको हो । नेपाल सरकार र भारत सरकारबीच ४ जनवरी २०२४ मा नेपाल सन्धि ऐन, २०४७ अनुसार भएको थियो ।
सम्झौतामा अगामी १० वर्षमा भारतले नेपालबाट १० हजार मेगावाट विद्युत् खरिद गर्ने उल्लेख छ । मन्त्री श्रेष्ठले यस सम्झौताले सीमापार तथा अन्रदेशीय विद्युत व्यापारमा महत्वपूर्ण भुमिका खेल्ने बताउनु भयो ।
नेपालमा जलविद्युतमा लगानी बढाउने र उत्पादित बिजुलीको व्यापार सुनिश्चित गर्न यो सम्झौता महत्वपूर्ण हुने विश्वास गरिएको छ । –न्युज एजेन्सी नेपाल
