काठमाडाैँ । सामाजिक सद्भाव कायम गर्दै जिल्लाको पछिल्लो अवस्था सहज बनाउन धनुषामा आज दिउँसो २ बजे सर्वदलीय सर्वपक्षीय बैठक बस्ने भएको छ।
धनुषाका प्रमुख जिल्ला अधिकारी प्रेमप्रसाद लुइँटेलका अनुसार बैठकमा प्रतिनिधिसभा सदस्यसहित विभिन्न राजनीतिक दलका प्रतिनिधि तथा सरोकारवालाको सहभागिता रहनेछ। बैठकमा छलफलमार्फत जिल्लाको अवस्था सहज बनाउने विषयमा आवश्यक पहल गरिनेछ।
छलफल सकारात्मक र अनुकूल भए आजै सामाजिक सद्भाव कायम गर्ने उद्देश्यले सद्भाव र्याली निकाल्ने तयारीसमेत रहेको प्रमुख जिल्ला अधिकारी लुइँटेलले जानकारी दिनुभयो।
सुनसरीमा भएको घटनालाई लिएर धनुषाको अवस्था पनि असहज बनेपछि बिहीबार दिउँसो साढे ३ बजेदेखि जनकपुरधाम उपमहानगरपालिकासहित नराइन र लक्ष्मीनिया गाउँपालिकाका केही क्षेत्रमा अनिश्चितकालका लागि निषेधाज्ञा जारी गरिएको छ।
