काठमाडौं । संसद विघटनको विरोधमा नेपाली कांग्रेसले आज देशभर विरोध प्रदर्शन गर्दै छ । केन्द्रीय राजधानी काठमाडौंको हकमा दिउँसो एक बजे प्रदर्शन हुने भएको छ ।
नेपाली कांग्रेस काठमाडौं जिल्ला अध्यक्ष सबुज बानियाँका अनुसार काठमाडौंका १० वटै निर्वाचनमा क्षेत्रमा एउटै समयमा दिउँसो १ बजे प्रदर्शन हुने भएको छ । सम्बन्धित निर्वाचन क्षेत्रका नेता, केन्द्रीय सदस्य र अगुवा नेताहरुले सम्बोधन गर्नु हुन्छ । कांग्रेसले काठमाडौंमा रहने सबैलाई आफूलाई पायक पर्ने ठाउँमा उपस्थित भएर सरकारको विरोध प्रदर्शनमा सहभागी भइदिन अपिलसमेत गर्नुभएको छ ।
अध्यक्ष बानियाँका अनुसार काठमाडौंका निर्वाचन क्षेत्र नम्बर १- नयाँबानेश्वर, होटल एभरेस्ट अगाडि, निर्वाचन क्षेत्र नम्बर २- कोटेश्वर चोक,निर्वाचन क्षेत्र नम्बर ३- जोरपाटी चोक, निर्वाचन क्षेत्र नम्बर ४- नारायणचौर नक्साल, निर्वाचन क्षेत्र नम्बर ५- महाराजगन्ज, नारायणगोपाल चोक, निर्वाचन क्षेत्र नम्बर ६- मनमैजु, लोकतान्त्रिक चोक, निर्वाचन क्षेत्र नम्बर ७- बालाजु चोक, निर्वाचन क्षेत्र नम्बर ८- बसन्तपुर डबली, निर्वाचन क्षेत्र नम्बर ९- कलंकी चोक, निर्वाचन क्षेत्र नम्बर १०- कीर्तिपुर बजार लगायत दश स्थानहरुमा विरोध प्रदर्शन हुनेछ ।
