काठमाडौं । नेपाली कांग्रेसको महाधिवेशनमा हालसम्म २ हजार २३१ मत गणना भएको छ। कुल ७ हजार ४३ मत खसेकोमा जारी मतगणनामा उपसभापति र महामन्त्रीका उम्मेदवारबीच प्रतिस्पर्धा भइरहेको छ।
उपसभापति खुलातर्फ दुई पदका लागि डा. चन्द्रकान्त भण्डारी १ हजार ५७ मतसहित पहिलो स्थानमा छन्। ई. मधु आचार्य ७१२ मतसहित दोस्रो र सुरेन्द्रराज पाण्डे ६८० मतसहित तेस्रो स्थानमा छन्। यस्तै, गोविन्द भट्टराईले ६०९, धनराज गुरुङले ४०६, दीपक गिरीले ३०१ र प्रा. डा. चन्द्रमोहन यादवले १९३ मत पाएका छन्।
समावेशीतर्फको एक उपसभापति पदमा विनोदकुमार चौधरी ६१५ मतसहित अग्रस्थानमा छन्। जीवन परियारले ५७८, सीता गुरुङले ३३४, फरमुल्लाह मन्सुरले २८५ र रञ्जित कर्णले १८३ मत प्राप्त गरेका छन्।
महामन्त्री खुलातर्फ दुई पदका लागि प्रदीप पौडेलले १ हजार ३८१ मतसहित स्पष्ट अग्रता बनाएका छन्। उदयशम्शेर राणा ७८६ मतसहित दोस्रो र अमरसिंह पुन ६९५ मतसहित तेस्रो स्थानमा छन्। डा. सुनिलकुमार शर्माले ५२६, गुरुराज घिमिरेले ३२८, नैनसिंह महरले २७०, शंकर तिवारीले ४६ र डा. सन्तोष उपाध्यायले २८ मत पाएका छन्।
महामन्त्री महिलातर्फ डा. डिला संग्रौला (पन्त) ९६५ मतसहित अगाडि छन्। महालक्ष्मी उपाध्याय (डिना) ले ९५२ र रिता खनालले २५१ मत प्राप्त गरेका छन्।
मतगणना जारी रहेकाले उम्मेदवारहरूको मतपरिणाम फेरबदल हुन सक्नेछ। कुल ७ हजार ४३ मत खसेकाले अन्तिम परिणामका लागि थप मतगणना हुन बाँकी छ।
