एजेन्सी । चर्चित हलिउड फिल्म ‘फास्ट एन्ड फ्युरियस’ स्टार भिन डिजेल समस्यामा परेका छन् । उनका पूर्व सहायकले उनीमाथि यौन उत्पीडन जस्ता गम्भीर आरोप लगाएकी छन् ।
बिहीबार लस एन्जलसमा दायर मुद्दाका अनुसार हलिउड स्टार भिन डिजेलका सहायकका रूपमा काम गरिरहेकी आस्टा जोनासनले आफू सन् २०१० मा भिन डिजेलसँग ‘फास्ट फाइभ’को सुटिङका लागि एटलान्टामा हुँदा हलिउड स्टारले उनलाई जर्जियाको एक होटलको कोठामा थुनेर उनको अगाडि निकै लज्जास्पद कार्य गरी यौन उत्पीडन गरेको आरोप छ ।
सहायक एस्टा जोनासनले होटलको भित्तामा उभिएर उनको अगाडि हस्तमैथुन गरेको दाबी गरेकी छन् । कानुनी उजुरीका अनुसार जोनासनले भिन डिजेलको फिल्म कम्पनीमा धेरै वर्षदेखि काम गर्दै आएकी थिइन्, उनको सामाजिक कार्यक्रममा सहभागी हुनेदेखि लिएर उनको तस्बिर र कार्यक्रमहरूसम्म सबै कुराको ख्याल राख्दै थिइन् । जोनासनको प्रतिनिधित्व गर्ने ग्रीनबर्ग ग्रोसले यो कुरा बताए ।
द हलिउड रिपोर्टरका अनुसार भिन डिजेलका वकिल ब्रायन फ्राइडम्यानले भने ‘फास्ट एन्ड फ्युरियस’ अभिनेताको पक्षमा बोल्दै अभिनेताका सहायकले लगाएका सबै आरोप अस्वीकार गरेका छन् ।
