एजेन्सी । अक्षय कुमार स्टारर बच्चन पाण्डे फिल्म शुक्रबार रिलिज भए पनि ‘द कश्मीर फाइल्स’ले बक्स अफिसमा आफ्नो उत्कृष्ट व्यापार जारी राखेको छ ।
विवेक रञ्जन अग्निहोत्रीद्वारा निर्देशित फिल्मले आठौं दिन (दोस्रो शुक्रबार) अहिलेसम्मकै उच्च कलेक्शन गरेको छ ।
यो फिल्म हिन्दी सिनेमाको आधुनिक युगको सबैभन्दा ठूलो ब्लकबस्टरहरू मध्ये एक हो, तर यो मामूली बजेटमा बनेको छ ।
अहिलेसम्म आमिर खानको ‘दंगल’ र प्रभास स्टारर ‘बाहुबलीः द कन्क्लुजन’ ले आठौं दिनमा राम्रो व्यापार गरेको थियो । तर, अब ‘द कश्मीर फाइल्स’ ले आठौं दिन २२ करोड कमाएर बाहुबली २ र दंगलको रेकर्ड तोडेको छ । प्रभासको फिल्मले आठौं दिन १९.७५ करोड र आमिर खानको फिल्मले १८.५९ करोड कमाएको थियो ।
विवेक अग्निहोत्रीले निर्देशन गरेको यस फिल्ममा मिथुन चक्रवर्ती, अनुपम खेर, दर्शन कुमार, पल्लवी जोशीको अभिनय रहेको छ ।
