काठमाडौं । पछिल्लो समय निकै चर्चामा रहेकी गायिका ममता गुरुङको नया गीत 'पहाडे भिरैमा' सार्वजनिक भएको छ । नेपाल आईडल सिजन ३ बाट चर्चा कमाएकी गायिका ममता गुरुङ पछिल्लो समय नेपाली सांगितिक क्षेत्रमा व्यस्त रहेने गायिका हुन् ।
उनको नयाँ गीत 'पहाडे भिरैमा' को म्युजिक भिडियो पनि सार्वजनिक भएको छ । गीतमा शिवराज जङ्गको शब्द र कम्पोजिसन्मा रहेको छ । त्यस्तै अरेन्जमा र मिक्स मास्टरिङ भने मन्जील विक्रम केसीको रहेको छ । गायिका गुरुङको एकल आवाजमा रहेको गीतमा सुनिता सुनारको निकै राम्रो अभिनय रहेको छ ।
यता म्युजिक भिडियोको निर्देशन र छायांकन भने राजेन्द्र सापकोटाले गरेका छन् । त्यसैगरी म्युजिक भिडियोको सम्पादन भने मुकेश चौधरीले गरेका छन् । उक्त गीतलाई हाईलाईटस् नेपालको आधिकारिक युट्युब च्यानल मार्फत सार्वजनिक गरिएको छ ।
