• १० मंसिर २०७९, शनिबार
  •      Sat Nov 26 2022
Logo

चलचित्र ‘मोक्ष’को नयाँ गीत रिलिज



काठमाण्डौ, ५ पुस –

आगामी माघ २४ गते रिलिज हुन लागेको चलचित्र ‘मोक्ष’को नयाँ गीत रिलिज गरिएको छ । ‘घाम डुब्छ फेरि उदाउनलाई’ बोलको प्रस्तुत गीतको शब्द, संगीत तथा स्वर नवक्रान्ती व्याण्डको रहेको छ । पछिल्लो समयमा चलचित्रका गीत संगीतमा बिभिन्न व्याण्डहरुले काम गर्ने चलन मौलाएको पाइन्छ ।

 

श्रीराम बालाजी फिल्म्स र मोक्ष प्रोडक्सनको व्यानरमा निर्माण भएको यो चलचित्रका लगानीकर्ता सुनिल मानन्धर हुन् । संञ्जिव सिंह, नवक्रान्ती समूह, धिलुङ् राई र प्रबिन श्रेष्ठको संगीत छ भने रविन श्रेष्ठ, प्रताप सिंह र हरी हुमागाइँ चलचित्रका सिनेम्याटोग्राफर हुन् । निर्देशक प्रबिन श्रेष्ठकै जीवनीमा आधारित रहेर निर्माण गरिएको यस चलचित्रमा कोशिस क्षेत्री, बेनिशा हमाल, विक्रम सिंह, दिपेश भण्डारी, मनिष गोदार, वसन्त भट्ट, दुर्गा बराइली, सपना श्रेष्ठको मुख्य भूमिका छ ।