• १७ असार २०७९, शुक्रबार
  •      Fri Jul 1 2022
Logo

तामिल र मराठी पछि बंगाली भाषा सिक्दै दीपिका



बलीउड सय करोड क्लबकी रानी दीपिका पादुकोण यतिबेला बंगाली भाषा सिकिरहेकी छिन् । चलचित्र पीकुको लागि उनले बंगाली भाषा सिकेकी हुन् । यसअघि उनले चलचित्र चेन्यई एक्सप्रेशको लागि तामिल र ह्याप्पी न्यू इयरको लागि मराठी भाषा पनि सिकेकी थिइन् । दीपका निर्देशक शूजित सरकारको साथ चलचित्रको वर्कशपमा ब्यस्त दीपिकालाई मौसमी चटर्जीले पनि बंगाली भाषा सिक्न मद्दत गरिरहेकी छिन् ।

बलीउडमा आफ्नो भूमिकालाई बिभिदता दिने कलाकारको अग्र पंतिमा आउछिन् दीपिका । दीपिका यसअघिका चलचित्र चेन्यई एक्सप्रेशमा तमिलियन, राम लीलामा गुजराती, ह्याप्पी न्यू ईयरमा महाराष्ट्रियन र फाइनिङ फन्नीमा गोवनी युवतीको भूमिका निभाईसकेकी छिन् भने फ्लोरमा जान लागेको चलचित्र पीकुमा बंगाली युवतीको भूमिकामा देखिने भएकी छिन् ।

यसरी अलग अलग भाषा सिक्दा आफ्नो ज्ञान पनि बढ्ने र रमाईलो पनि हुने बताउछिन् दीपिका । बलीउडमा सफल अभिनेत्रीमा नम्मर वानमा पर्ने दीपिकाको अभिनय रहेका अधिकाँश चलचित्रले सय करोड माथिको कारोबार गर्ने गरेका छन् । यसरी पछिल्लो समयका सबै चलचित्र सय करोड क्लबमा प्रबेश गरेकोले उनलाई सय करोड क्लबकी रानी पनि भन्ने गरिन्छ ।