मनिला, २२ मंसिर । फिलिपिन्समा करिब एक हप्तादेखि प्रभावित रहेको हगुपिट सामुद्रिक आँधीका कारण कम्तीमा २१ व्यक्तिको मृत्यु भएको फिलिपिन्स रेडक्रसले सोमबार जानकारी दिएको छ ।
यस आँधीका कारण फिलिपिन्सको पूर्वी द्वीप समारमा मात्र गत शनिबार सो आँधीबाट भएको भूस्खलनको कारण १८ व्यक्तिको मृत्यु भएको जनाइएको छ ।
उक्त समयमा प्रतिघण्टा २१० किलोमिटरको दरले हावा चलेको रेडक्रस सचिव जनरल ग्वेनडोलएन पङ्गले बताएको छ ।
गत नोभेम्बरमा फिलिपिन्समा आएको ‘हाइयान’ नामक सामुद्रिक आँधीबाट ७ हजारभन्दा बढी व्यक्तिको मृत्यु भएको थियो ।
