बलिउडकी चर्चित गायिका नेहा कक्कर पछिल्ला दिनमा निकै तनावपूर्ण अवस्थामा देखिएकी छन्।
केही दिनअघि मात्रै उनको प्रेमी हिमान्स कोहलीसँग ब्रेकअप भएपछि नेहा तनाबको सामाना गर्दै आईरहेकी थिईन् ।
लगातार तनाव र चिन्ताले गर्दा उनको अवस्था थप जटिल बन्दै गएको भरतीय मिडियाहरुले जनाएको छ । उनलै आफैपनि आफू डिप्रेसनको शिकार भएको सामाजिक संजालमा खुलासा गरेपछि बलिउड परिवार चिन्तित बनेको छ ।
उनले लेखेकी छिन्, ‘म डिप्रेसनमा छु। सबै नकारात्मक मानिसलाई आभार। तपाईंहरु मलाई सबैभन्दा खराब पल दिन सफल हुनुभएको छ। बधाई छ। तपाईं सफल हुनुभयो।’
नेहाले कोहलीसँग ब्रेकअप भएपछि एक भावनात्मक स्टाटससमेत लेखेकी थिइन्। जहाँ लेखिएको थियो, ‘यो दूनियामा यति खराब मानिस पनि हुन्छन् भन्ने मलाई थाहा थिएन।’
नेहाले आफूले आफ्नो सबै कुरा दिएको र त्यसवापत आफूले के पाएँ भन्ने आफैलाई थाहा नभएको पोस्टमा उल्लेख गरेकी थिइन्।
