काठमाडौँ । फुटबल भन्ने नाम सुन्दै मुखमा आईहाल्ने फुटबल खेलाडिको ना हो लियोनल मेस्सी । उक्त नाम फुटबल खेल पारखीको मुखमा त झुन्डिन्छ नै मेस्सीको सामना गर्ने कल्ब होस् वा देशका खेलाडि सबैको मुखमा मेस्सी नै आउने गर्दछ । कुनै बालकलाई फुटबल खेलेर को जस्तो बन्छै भनेर प्रश्न गरे मेस्सी नै भन्छन् ।
हो मेस्सी चाहे उनि जतिनै विपक्षी सर्मथकको बिल्लाको पात्र भएपनि उनि कहिले हार मन्दैनन् । अरुको आफुलाई उडाउने कुरामै झन दरिलो भएर उभिन सक्ने खेलाडि मध्ये एक खेलाडि मेस्सी मानिन्छन् । उनले सन् २०१४ को विश्व कपको समाप्तिपछि सन्यासको घोषण समेत पनि नगरेका होईनन् । तर आफ्ना फ्यानका लागि सब भुलेर फेरी घाँसे मैदाननमा उत्रिन सक्ने खेलाडिको रुपमा मेस्सी बाहेक अरु कसैलाई देख्न सकिएन् ।
हो उनै मेस्सी अहिले आफ्नो देश अर्जोन्टिनाका मात्रै होईनन् उनि स्पेनिस बार्सिलोनाका कप्तान समेत भएका छन् । उनको काँधमा आफ्नो टिमलाई जिताउने भार रहेको छ । चाहे मरेर हुन्छ की डटेर हुन्छ जित त दिलाउन नै लाग्छन् । बर्षले ३१ पुगिसकेका मेस्सीको खेलमा बुढोपना पाउन सकिदैन् ।अहिले उनि खेलमा झन निखारता ल्याएर युवा झै खेल्न थालेका छन् । गोल मात्रै गर्दैनन् उनि टोलीको जितमा कप्तानी भूमिकामा समेत निर्वाह गर्छन् ।
आफ्नो टिमको घारिलो हतियार बनेका मेस्सीले न त हार्न जाने न त हार खान नै ! गत राति ला लिगाअन्तर्गत भएको भ्यालेन्सियाविरुद्धको खेलमा पनि हारि सकेको आफ्नो कल्ब बार्सिलोनालाई उनले पून जन्म दिए । क्याम्प नाउमा भएको खेलमा ०–२ ले पछि परेको अवस्थामा २ गोल गर्दै टोलीलाई हारबाट जोगाए र फ्यानको सामू अझ हिरो बने ।
यस्ता महत्वपूर्ण गोल उनले यो खेलमा मात्रै गरेका होईनन् । उनको यस्तो निर्णयक गोल त दजनौ भईसके । उनले जब आफ्नो टोली हारको संघारमा पुग्छ तब गोलकको ढोका खुलाउन उनि पुग्छन् र गोल गर्छन । जब उनि गोल गर्छन अनि खेल मैदानमा ठुलो आवाज गुन्जिन्छ मेस्सी मेस्सी ! हो उनै मेस्सीले आजसम्म हार मानेका छैनन् । नत उनि पैसाको मोहमा नै परेर कल्ब परिर्वतन गरे नत गर्न नै खोजे ।
उनले आफ्नो घर बार्सिलोना नै बनाए र २०१८ / १९ मा त नकआउट प्रतियोगिता कोपा डे रे फुटबलमा मेस्सीले मात्रै २ खेल खेल्दै २ गोल र २ गोलकै लागि असिस्टसमेत गरे । सामन्यता खेलाडिले आफुले मात्रै गोल गरुम भन्ने भावना राख्छन् तर मेस्सीमो त्यो भावना कहिल्यै रहेन ।उनले नत पेनाल्टी पाउदा बल खोस्न नै पुगे नत फ्रि किक पाउदा नै पुगे । उनले त्यस्ता मौका पाउदा खेलमा भबिष्य देखेर बार्सिलोनामा आउने खेलाडिको नाममा उक्त मौकाको सदुपयोग गर्न दिए । कोपा डे रेमा कुनै पनि कार्ड नपाएका मेस्सी ला लिगामा भने एउटा कार्ड खान पुगे ।
२० खेल खेलेका मेस्सीले एक मात्रै पहेंलो कार्ड पाए । उनि अरु खेलाडि जस्तो न आतिएर खेले नत मातिएर नै खेले । उनि सम्हालिएर खेले । उनले जम्मा २० खेलामा २१ गोल र युरोपका टप–५ लिगमा सबैभन्दा बढी गोल गर्ने खेलाडी बने । नत कुनै घमण्ड नत कुनै फुर्ति सदाबाहार खेलहरु खेल्दै गए र १० गोलका लागि असिस्टसमेत दिए । उनि ला लिगाको सर्वाधिक गोलकर्ता नै बने ।
जारी लिगमा २७ खेल खेलेका मेस्सीले २९ गोल र १५ असिस्ट गरे । यो सिजन युरोपका शीर्ष लिगमा सबैभन्दा चाँडो २० गोलको आँकडा पार गर्ने पहिलो खेलाडी पनि बनेर देखाए । जुन किर्तिमान क्रिस्टियानो रोनाल्डोले समेत राख्न सकेन्न् । हुन त अब मेस्सी स्पेनका फुटबलका एक्ला राजा मानिने गर्छन् । उनि नै एक्ला राजा पनि हुन् । रोनाल्डो स्पेन छाडेर इटाली पुगेपछि हालमा कुनै पनि खेलाडि मेस्सीको दाजेमा पुग्न नसकिने स्थिति देखा परेको छ ।
ला लिगामा मेस्सीले पछिल्ला ८ खेलमा लगातार गोल गरे । उनले ला लिगाको करिअरमा दोस्रोपटक लगातार ८ खेलमा गोल गरेर र आफ्नै किर्तिमान भङ्ग समेत गरे । यता युरोपियन च्याम्पियन्स लिगको दोस्रो सर्वाधिक गोलकर्ता पनि बने उनले कूल ६ गोल गरे।
युरोपियन च्याम्पियन्स लिगमा पनि मेस्सीको प्रभाव उस्तै रहेको देख्न पाईयो । हरेक प्रतियोगितमा सेमिफाईनल बाटै घर फर्केका मेस्सीले यो सिजन ४ खेलमा ६ गोल र एक ह्याट्रिकसमेत हाने । यता, २०१८ मै खेलेको अर्को खेल सुपर कपमा पनि मेस्सीले एक खेलेर १ गोल गरे । त्यस्तै, जोन ग्यायम्र ट्रफी प्रतियोगितामा पनि मेस्सीले एक खेल खेल्दै १ गोल गरेर र समान १ असिस्ट गरे ।
बार्सिलोनमा उत्कृष्ट फरवार्डको लामो तालिका हुँदाहुँदै पनि कमजोर बनेको बेला मेस्सीमा नै निर्भर रहने गर्छन् । मेस्सीले चाहिने बेला टिमलाई दिएको योगदान महत्वपूर्ण छ । यसैले कमजोरीबाट गुज्रिरहेको बेला उनि खेलमा खतरनाक हुने गर्छन् । आफुमा कम घमण्डिपन, अनुशासन र खेलका बेला सहयोगी बन्दिने बानीले गर्दा जो कोहिको आखाँमा बस्ने गर्दछन् ।
हर खेलमा फरक फरक खेल कौसलले गर्दा भनुम वा अनुभवले भनुम उनि झन झन लयमा देखिन थालेका छन् । सालिनता र उच्च मेहनतले गर्दा नै उनले विपक्षी खेलाडिलाई मैदानमा धुलो चटान सक्ने क्षमता राख्छन् । जसको कारणले गर्दा न त मेस्सी कहिले हार्छन नत आफ्नो टिमलाई नै हार्न दिन्छन् ।
हो खेल परिर्वतन हुन्छ,मैदान परिर्वन हुन्छ, जिम्मेवारी परिर्वतन हुन्छ र खेलको लय पनि परिर्वतन हुन्छ । मेस्सीले यहि लयलाई निरन्तर कायम गर्न सके बार्सिलोनाको उपाधि होडमा आउने सबैलाई पाखा लगाउन सकिन्छ ।
