काठमाडौं । पूर्व राष्ट्रपति डा. रामवरण यादवले देशले इमान्दार नेता नै नपाएको बताएका छन् । उनले भने, मुलुकमा इमान्दार नेताहरुको अभाव भयो, देशले यस्तो नेता नै पाएन ।
डिल्लीबजार बहुमुखी क्याम्पसको वाषिर्कोत्सव कार्यक्रममा पूर्वराष्ट्रपति यादवले यस्तो गुनासो गरेका हुन् । उनले भने, ‘अहिले राजनीतिक क्षेत्रमा को मान्छे छ, जसको नाम सुन्दा तपाई शिर निहुराउनु हुन्छ ?
त्यस क्रममा उनले भने, जसरी मनमोहन, पुष्पलाल, कृष्णप्रसाद, वीपी वा गणेशमानको नाम लिँदा जनताको शिर आफैं निहुरिन्छ तर अहिले त्यस्तो को छ र देशले गर्व गर्नसक्ने ?
इतिखेर देशमा इमान्दार मान्छेहरुले चुनाव जित्न नसक्ने अवस्था पनि छैन, उनले भने । पूर्वराष्ट्रपति यादवले भने, अहिले कांग्रेस लगायतका दलहरुले प्रत्यक्षतर्फ ठेकदारलाई टिकट दिएको र समानुपातिकको सिट बेचेका छन् रे, मैले त्यस्तै सुनेको छु ।
