काठमाडौं । पूर्व अर्थमन्त्री भरतमोहन अधिकारीको निधन भएको छ । उनको ८३ वर्षको उमेरमा आज राति निधन भएको हो । नेकपाका नेता अधिकारीको हृयाम्स अस्पतालमा उपचारका क्रममा शनिबार राति निधन भएको अस्पतालले पुष्टि गरेको हो ।
अधिकारीको पार्थिव शरीर श्रद्धाञ्जलीका लागि भोलि आइतबार विहान ९ बजेदेखि १२ बजेसम्म पार्टी कार्यालय धुम्बाराहीमा राखिने भएको छ । सो जानकारी नेकपा नेता कृष्णगोपाल श्रेष्ठले दिएका हुन् । अधिकारीका श्रीमती र तीन छोरी छन् ।
