काठमाडौँ । बर्नेमाउथलाई पराजित गर्दै म्यानचेस्टर सिटी इंग्लिस प्रिमियर लिग फुटबलको शीर्ष स्थानमा उक्लिएको छ ।
शनिबार राति भएको खेलमा सिटीले बर्नेमाउथलाई १–० गोलअन्तरले पराजित गरेको हो । सिटीको जितमा रियाद महरेजले गरेको गोल नै निर्णायक सावित बन्यो । पहिलो हाफमा बराबरी खेलको सिटीले दोस्रो हाफमा गोल गर्दै जित हात पारेको हो ।
खेलको ५५ औं मिनेटमा महरेजले गोल गर्दै सिटीलाई १–० गोलको अग्रता दिलाएका थिए । बाँकी समयमा आफ्नो अग्रतालाई कायमै राख्दै सिटीले बर्नेमाउथविरुद्ध जित हात पारेको हो ।
जितपछि सिटी प्रिमियर लिगको शीर्ष स्थानमा उक्लिएको छ । सिटीले २९ खेलबाट ७१ अंक बनाएको छ । पराजित बर्नेमाउथको भने २९ खेलबाट ३४ अंक छ ।
२८ खेल खेलेको लिभरपुलको ६९ अंक छ । लिभरपुलमाथि सिटीले लिगमा दुई अंकको अग्रता बनाएको छ ।
