मुम्बई । बलिउड फिल्म उद्योगमा निकै चर्चा कमाएका अभिनेता आयुष्मान खुरानाविरुद्ध मुद्दा दर्ता गरिएको छ ।
भारतीय संचार माध्यमका अनुसार आयुष्मानविरुद्ध उनको आउन लागेको फिल्म ‘बाला’ लाई लिएर मुद्धा दायर गरिएको छ ।
निर्देशक सुधीर मिश्राका सहयोगी रहेका कमलकान्त चन्द्राले फिल्म ‘बाला’ का लिड एक्टर आयुष्मान खुराना, निर्माता दिनेश विजन र निर्देशक अमर कौशिकमाथि फिल्म ‘विग’ को कहानी चोरीको आरोप लगाएका छन् ।
उनले शुक्रबार यी तीनमाथि मुम्बईको हाई कोर्टमा मुद्दा हालेका छन् ।
यो फिल्म युवापुस्तामा तालु खुइलिने समस्यामा आधारित छ ।
