काठमाडौं । सलमान खानको चलचित्र ‘भारत’ ले बक्स अफिसमा अझैं पनि धमाका मच्चाइरहेको छ । चलचित्रले पहिलो दिन जबरदस्त ओपनिङ गरेको थियो । रिलिज भएको १५ दिन वितिसक्दा पनि फिल्मले बक्स अफिसमा राम्रो कमाई गरिहरेको छ ।
रिलिज भएको दोस्रो साता पूरा भएसँगै बक्स अफिसमा ‘भारत’ले दुई सय करोडको क्लबमा इन्ट्री गरिसकेको छ ।
चलचित्रमा सलमान खान र कट्रिना केफका साथै सुनील ग्रोवर, दिशा पटनी, तब्बु, नोरा फतेही, ज्याकी श्राफलगायतका कलाकारको अभिनय रहेको छ । ‘भारत’ कोरियन भाषाको चलचित्र ‘ओड टु माई फादर’ को हिन्दी रिमेक हो ।
भारतीय ट्रेड एनालिस्टका अनुसार ‘भारत’ ले ‘भारत’ले जबरदस्त तरिकाले दुई सय करोडको आँकडा पार गरेको छ । चलचित्र यस्तो दमदार छ कि क्रिकेट वल्र्डकपको जूनूनपछि पनि बक्स अफिसमा राम्रो कमाई गरिरहेको छ ।’
यो चलचित्रले प्रत्येक दिन दुईदेखि चार करोडसम्मको ब्यापार गरिरहेको छ । त्यसोत, शुक्रबारबाट दर्शकमाझ रिलिजमा आउँदै गरेको शाहिद कपुरको चलचित्र ‘कबिर सिंह’ले भारतको कमाईमा केही असर गर्नसक्नेछ । तर, पनि स–साना शहरहरुमा सलमानको ‘भारत’ले राम्रो कमाई गर्नसक्नेछ । यो फिल्मले २५० करोडको कमाई गर्न सक्ने आँकलन गरिएको छ ।
चलचित्रलाई अली अब्बास जफरले निर्देशन गरेका हुन् ।चलचित्रमा सलमान खान ‘भारत’ नाम गरेका एक युवा अवस्थाको व्यक्तिदेखि ७० वर्षीय वृद्धसम्मको पाँचवटा भिन्न भिन्न अवतारमा देखिएका छन् ।
सन् १९४७ मा भारत र पाकिस्तान छुट्टिने बेलाको त्रासदीपूर्ण समयको भागदौडमा आफ्ना बुबा र सानी बहिनी गुमाएका ‘भारत’ ले आफ्ना परिवारका जिम्मेवारी कसरी उठाउँछन् र हराएका बुवा र बहिनीको खोजी गर्दाको संघर्षलाई चलचित्रमा चित्रण गरिएको छ ।
चलचित्रमा सलमान खान र क्याट्रिना कैफको साथमा दीशा पटानी, ज्याकी श्रफ, तब्बु, सुनिल ग्रोवर लगाएतको पनि मुख्य भूमिका रहेको छ ।
