निर्देशक डेभिड धवनको सुपरहिट चलचित्र ‘कुल्ली नम्बर १’ को रिमेकमा नायक बरुण धवन र नायिका साराअली खानले मुख्य भूमिका निर्वाह गर्दैछन् । ९० को दशकमा हिट भएको यो चलचित्रमा बलिउड नायक गोविन्दा र नायिका करिश्मा कपुरको मुख्य भूमिका थियो ।
डेभिड धवनको यो ४५ औं चलचित्र हो । बरुणले आफ्नो पितासँग सहकार्य गरेको यो तेस्रो चलचित्र हो । गत साताबाट यो चलचित्रको छायांकन थाइल्याण्डमा सुरु भइसकेको छ । बरुण र साराले यहि चलचित्रबाट स्क्रिन सेयर गर्दै छन् ।
यस्तैमा निर्माणपक्षले चलचित्रको फस्टलुक सार्वजनिक गरेको छ । सार्वजनिक थिम पोस्टरमा बरुण र सारा फिचर छन् । सार्वजनिक फस्टलुकमा बरुण र साराको रोमान्टिक अवतार पनि देख्न सकिन्छ ।
‘पूजा इन्टरटेन्टमेन्ट’को व्यानरमा निर्माण हुने यो चलचित्रमा वाशु भग्नानी, ज्याक्की भग्नानी र दिपशिखा देशमुखको लगानी रहने छ । यो चलचित्र सन् २०२० को मे मा रिलिज हुनेछ ।
