लन्डन । इंग्लिस प्रिमियर लिग अन्तरगत शनिबार राति भएको खेलमा लिभरपुलले विजयी भएको छ । लिभरपुलले बर्नलीलाई ३–० ले हरायो ।
बर्नलीको आत्मघाती गोलले अग्रता लिएको लिभरपुलका लागि त्यसयता साडियो माने र र रोबर्टो फिरमिनोले गोल गरे । यो जितपछि लिभरपुलको चार खेलबाट १२ अंक भएको छ र शीर्ष स्थानमा छ ।
यसअघि म्यानचेस्टर सिटीले ब्राइटनलाई ४–० ले हराएर लिभरपुलमाथि दबाब सिर्जना गरेको थियो । डिफेन्डिङ च्याम्पियन सिटीको चार खेलबाट १० अंक छ ।
