एजेन्सी । स्पेनिस क्लब बार्सिलोनाका स्ट्राइकर लुइस स्वारेजले ला लिगा अन्तर्गत भ्यालेन्सियाविरुद्ध गरेको गोल पूर्व प्रशिक्षक लुइस इन्रिकेको दिवंगत छोरी साना मार्टिनेजलाई समर्पित गरेका छन् ।
शनिबार राति बार्सिलोनाले भ्यालेन्सियालाई ५–२ ले पराजित गर्दै खेलाडी स्वारेजले २ गोल गरेका थिए ।
र, उक्त गोल स्वारेजले पूर्व प्रशिक्षक लुइस इन्रिकेको दिवंगत छोरी साना मार्टिनेजलाई समर्पित गरेका हुन् । साना मार्टिनेजको ९ वर्षको उमेरमा क्यान्सरका कारण दुई साताअघि असामयिक नि’धन भएको थियो । मार्टिनेज पछिल्लो पाँच महिनाबाट हड्डीको क्यान्सरबाट पीडित रहेकी थिइन् ।
