जर्मन क्लब वायर्न म्युनिख च्याम्पियन्स लिग फुटबलको अन्तिम १६ मा प्रवेश गरेको छ । बुधबार राति भएको समूह चरणको खेलमा वायर्नले ओलम्पिकोसलाई २–० गोल अन्तरले पराजित गर्दै अन्तिम १६ को यात्रा पक्का गरेको हो । घरेलु मैदानमा रोबर्टो लेवान्डोस्कीले खेलको ६९ औं मिनेटमा गोल गर्दै वायर्नलाई १–० को अग्रता दिलाएका थिए ।
यो सँगै लेवान्डोस्की च्याम्पियन्स लिगको समूह चरणको लगातार आठ खेलमा गोल गर्ने तेस्रो खेलाडी बनेका छन् । त्यसपछि इभान पेरिसिचले खेलको ८९ औं मिनेटमा गोल गर्दै वायर्नलाई २–० को जित दिलाएका हुन् ।
जितसँगै समूह ‘बी’ को वायर्नले ४ खेलमा अपराजित रहदै १२ अंक जोडेको छ । र, नकआउट चरणमा स्थान पक्का गरेको छ । १ अंक जोडेको ओलम्पिकाओस पुछारमा रहेको छ ।
