बाग्लुङ । वागी उम्मेदवार फिर्ता गराउन सत्तारुढ नेपाल कम्युनिस्ट पार्टी (नेकपा)ले हेलिकोप्टरको प्रयोग गरेको छ । बाग्लुङ २–(ख)को उपनिर्वाचनमा आफ्ना वागी उम्मेदवार शेरमान घर्तीलाई उम्मेदवारी फिर्ता गराउनका लागि हेलिकोप्टरको प्रयोग गरिएको हो ।
प्रदेशसभाको सो क्षेत्रमा नेकपाको समर्थनमा राष्ट्रिय जनमोर्चाले खिमविक्रम शाहीले प्रदेशसभा सदस्य उम्मेदवारमा उम्मेद्धारी दिएका थिए । उनी विरुद्धमा ०७४ सालको स्थानीय निर्वाचनमा नेकपा तात्कालीन (माओवादी केन्द्र)बाट ढोरपाटन नगरपालिकाको मेयरमा पराजित शेरमान घर्ती मगरले बागी उम्मेदवारी दिएका हुन् ।
हेलिकोप्टर मेयर देवकुमार नेपालीको दरबार होटलको छतमा ल्याण्ड भएको थियो । उनका अनुसार शोही हेलीकोप्टरमा चढेर घर्तीमगर उम्मेदवारी फिर्ताका लागि सदरमुकाम लागेका छन् ।
