काठमाडौं । आयोजक ज्ञान निकेतनले १९ औं ज्ञान निकेतन बास्केटबल प्रतियोगिताको प्लस टु ब्वाइजमा बुधबार दोश्रो जित हात पारेको छ । ज्ञान निकेतनले ट्रिनिटीलाई ६२–४४ ले पराजित गर्दै लगातार दोश्रो जित हात पार्याे । ज्ञान निकेतनका नयेन्द्र परियारले १७ अंक जोडे ।
प्लस टु ब्वाइजमै जेभियर इन्टरनेसनल कलेज, न्यु जेनिथ, रिलायन्स इन्टरनेसनल एकेडेमी, मोर्गन इन्टरनेसनल कजेज र नोबेल एकेडेमी विजयी भए । जेभियरले रोजबडलाई ६३–३२ को फराकिलो अन्तरले हरायो । विजयी टिमका लागि लियुश केसीले २० अंक जोडे । न्यु जेनिथले चाणक्यलाई ३५–२१ ले पाखा लगायो । न्यु जेनिथका अजय घलेले १३ स्कोर गरे । रिलायन्सले बर्न हार्टमाथि २२–२० को कठिन जित दर्ता ग¥यो । रिलायन्सका लोकमान गुरुङले १४ अंक बटुले ।
त्यस्तै मोर्गनले इन्साइट भिजनलाई ३८–२४ ले पन्छायो । मोर्गनका प्रसिद्ध गुरुङले ११ अंक जोडे । ग्लेसियर विरुद्धको खेलमा नोबेल ३१–२२ ले विजयी भयो । नोबेलका आयुश भण्डारीले १४ स्कोर गरे ।
यस्तै विश्व विद्या मन्दिर (बीबीएम) ले नवौं फिजम कप अन्तरविद्यालय छात्र फुटबल प्रतियोगितामा बुधबार सहज जित हात पारेको छ ।
बीबीएमले दीपिकालाई ९–० को भारी गोलअन्तरले पराजित ग¥यो । निशान तामाङले ह्याट्रिक तथा अजय राई र विवेक विडारीले समान २–२ गोल गरे । बाँकी गोल प्रवेश राई र प्रज्ज्वल राईले गरे ।
संस्थागत विद्यालय सञ्चालकहरुको मञ्च (फिजम) द्वारा आयोजित प्रतियोगितामा नेपाल तारा र होली क्रसले सफलता पाए ।
नेपाल ताराले ग्रामरलाई ७–० गोलअन्तरले हरायो । सुदिप पाख्रिनले ३ तथा आशिष नेपाल, लुक्पा शेर्पा, भुवन श्रेष्ठ र आशिष दाहालले समान १–१ गोल गरे । होलीक्रसले कम्यकलाई ५–० गोलले पाखा लगायो । पुजन तामाङ र अमित खड्काले समान २–२ तथा सन्जिव तामाङले १ गोल गरे ।
