काठमाडौं: एसियाली खेलकुदको २० औ संस्करण जापानको नागोया पालेमा मिजुहो एथलेटिक्स रंगशालामा भब्य समारोहबीच जापानका सम्राट नारु हितोले उद्घाटन गरे ।
उद्घाटन समारोहमा नेपाल सहित सबै सहभागी टिमले मार्च पास्ट गरेका थिए । सेभ दि मिसन राष्ट्रिय खेलकुद परिषद् (राखेप) का उपाध्यक्ष विशाल श्रेष्ठको नेतृत्वमा नेपाली टिमले मार्च पास्टमा सहभागी भएको थियो ।
बक्सिङ खेलाडी चन्द्रबहादुर थापा र कबड्डी खेलाडी मानमति बिष्टले नेपालको झण्डा बोकेको थिए । नेपालबाट २१ खेलमा १ सय ३५ जना खेलाडीहरुले विभिन्न विधामा प्रतिस्पर्धा गर्ने राखेपअन्तर्गत प्रचार प्रसार शाखाका प्रमुख खुशराज दाहालले जनाएका छन् ।
४५ देशका ११ हजार बढी खेलाडी सहभागी छन् । जापानमा यस अघि १९५८ मा तेस्रो र १९९४ मा १२औ संस्करण आयोजना भएका थिए भने २० औ स्सकरण आयोजना भैरहेको छ ।
एसियाड क्रिकेट टोलीको बिदाइ
जापानमा जारी २० औं एसियाली खेलकुदको क्रिकेटमा सहभागी हुने नेपाली राष्ट्रिय पुरुष क्रिकेट (टी– २०) टोलीलाई शनिबार बिदाइ गरिएको छ ।
टोलीलाई राष्ट्रिय खेलकुद परिषद् (राखेप) का सदस्य–सचिव रामचरित्र मेहता, शिक्षा तथा खेलकुद खेलकुद मन्त्रालयका प्रमुख सल्लाहकार सिद्धी व्यञ्जनकार र सल्लाहकार राजु सिंह, राखेपकी सदस्य ललिता नाथ र नेपाल क्रिकेट संघका सचिव पारस खड्काले बिदाइ गरे । १५ खेलाडीसहित १९ सदस्यीय नेपाली टोली आइतबार जापान प्रस्थान गर्ने छ ।
खेलाडीमा दिपेन्द्रसिंह ऐरी, रोहितकुमार पौडेल, सोमपाल कामी, करण केसी, सन्दिप लामिछाने, मोहम्मद आरिफ शेख, मोहम्मद आसिफ शेख, कुशल भुर्तेल, ललितनारायण राजवंशी, गुल्सनकुमार झा, नन्दन यादव, लोकेश बम, सन्दिप जोरा, शेर मल्ल र कुशल मल्ल रहेका छन् ।
टोलीको प्रमुख प्रशिक्षकमा स्टुवार्ट ग्रान्ट ल, स्ट्रेन्थ एन्ड कन्डिसनिङ प्रशिक्षकमा अब्दुल सतार, भिडियो एनालिष्टमा रमन सिवाकोटी र फिजियोमा लोकेन्द्र कुँवर छन् ।
