केन्याका पूर्व राष्ट्रपति डानियल अराप मोइको ९५ वर्षको उमेरमा निधन भएको छ । मोइ महिनौ देखि अस्पतालको शैयामा थिए । मोइ केन्याका सबैभन्दा लामो समयसम्म राष्ट्रपतिका रुपमा रहेका व्यक्ति थिए । उनले २४ वर्षसम्म आफ्नो कार्यकाल निर्वाह गरेका थिए ।
उनको मृत्यु भएको घोषणा राष्ट्रपति उहुरु केन्याटाले गरेका हुन् । मोइको छोरा सेन्याटर गिडियोन मोइले नैरोबी हस्पिटलमा आफ्ना पिताको आज बिहान निधन भएको बताए ।
मोइ एक विधालयका शिक्षक थिए जस्ले केन्याको राष्ट्रपतिका रुपमा चौबिस वर्ष बिताए । उनले जनता र देशको स्वतन्त्रताका लागि जिवनभरी नै संघर्ष गरे ।
