म्यानचेस्टर युनाइटेडले इंग्लिस प्रिमियर लिगमा आइतबार म्यानचेस्टर सिटीलाई २-० ले हरायो र १० वर्षयता पहिलो पल्ट छिमेकी क्लबमाथि लिग डबल रच्यो । ओल्ड ट्रायफोर्डमा भएको खेलमा युनाइटेडका लागि एन्थोनी मार्टिएल र स्कट म्याकटोमनीले गोल गरे ।
दुवै गोल सिटीका गोलरक्षक एडरसनको भुलमा सम्भव भएको थियो । यो जितले युनाइटेडको अर्को सिजन युरोपेली च्याम्पिन्स लिग खेल्ने सपना पूरा हुने सम्भालना बलियो भएको छ । चौथो स्थानमा रहेको चेल्सीसँग युनाइटेड तीन अंकको दूरीमा छ ।
पाँचौं स्थानमा उक्लेको युनाइटेडले यस सिजन सिटीलाई हराएको यो तेस्रो पल्ट हो र सबै खाले प्रतियोगिताका १० खेलमा युनाइटेड अपराजित रहेको छ ।
