लेस्टरले इंग्लिस प्रिमियर लिगमा सोमबार राति एस्टन भिल्लालाई ४–० ले हराएको छ । त्यसमा हार्भे बार्नस र जेमी भार्डेले दुई/दुई गोल गरे । यो जितपछि लेस्टरको युरोपेली च्याम्पियन्स लिगका लागि छनोट हुने सम्भावना फेरि ठीक दिशातर्फ मोडिएको छ । लेस्टर लिगका पछिल्ला सातमध्ये एकै खेलमा मात्र जित निकालेको थियो ।
तर खराब लयका बाबजुद अंक तालिकाको तेस्रो स्थानमा भने कायम थियो । लेस्टरको ५३ अंक भएको छ ।
शीर्ष चार स्थानको होडमा लेस्टरले पाँचौं स्थानमा रहेको म्यानचेस्टर युनाइटेडमाथि आठ अंकको अग्रता पनि खोलेको छ । भिल्ला भने पुछारबाट दोस्रो स्थानमा छ । उसको २५ अंक छ ।
