![](https://newspolar.com/wp-content/uploads/2022/03/machhindra_8M7gxbtIez.jpg)
काठमाडौं । मछिन्द्र फुटबल क्लबले नेपालको प्रतिनिधित्व गर्दै एएफसी कप छनोट खेल्ने भएको छ ।
सहिद स्मारक ुएु डिभिजन लिग अन्तर्गत आइतबार भएको खेलमा नेपाल पुलिस क्लबलाई १-० गोल अन्तरले हराएसँगै मछिन्द्रले एएफसी कप खेल्ने पक्का भएको हो ।
मछिन्द्र जारी लिगको सातौं चरणसम्म लिगको शीर्ष स्थानमा रहँदै एएफसी कपमा स्थान बनाउन सफल भएको हो ।
अखिल नेपाल फुटबल संघ (एन्फा) ले सातौं चरणको शीर्ष टोलीले एएफसी कप छनोट खेलाउन एसियाली फुटबल महासंघ (एएफसी) लाई प्रस्ताव गरेअनुसार मछिन्द्र छनोट भएको हो ।
सातौं चरणको खेल सकिदा मछिन्द्रले ७ खेलमा १७ अंक जोडेको छ । मछिन्द्र दोस्रो स्थानको मनाङ मर्स्याङ्दी भन्दा १ अंकले अघि रहेको छ ।
मछिन्द्रले पहिलो पटक एएफसी कप छनोट खेल्न लागेको हो । अघिल्लो पटक क्लब लाइसेन्स नभएको कारण मछिन्द्रले छनोट खेल्न पाएको थिएन ।