काठमाडौं । बढ्दो कोरोना संक्रमणबाट आफ्ना नागरिकलाई जोगाउन भारत सरकारले लकडाउनलाई १९ दिन थप गरेको छ । यस अघि भारतमा २१ दिनको लकडाउन गरिएको थियो जुन आज सकिदै थियो । मंगलबार राष्ट्रका नाममा सम्बोधन गर्दै भारतीय प्रधानमन्त्री नरेन्द्र मोदीले लकडाउन थपिएको घोषणा गरेका हुन् । यस अघि भारतका केही राज्यहरुले छुट्टाछुट्टै घोषणा मार्फत लकडाउनको म्याद थपिसकेका छन् ।
विश्व महामारीकाबाट बच्न अहिले विश्वका धेरै देशहरुले आफ्नो मुलुकलाई लकडाउनमा राखेका छन् । विश्व स्वास्थ्य संगठनले कोरोनाबाट बच्न तत्कालका लागि लकडाउनको विकल्प नरहेको बताउँदै आएको छ ।
लकडाउन कायम राख्दा पनि भारतमा संक्रमणको दर भने बढ्दो छ । अहिले भारतमा कोरोना भाइरस संक्रमितको संख्या १० हजारभन्दा बढी पुगेको छ भने यसबाट ३०० बढीले ज्यान गुमाइसकेका छन् ।
