काठमाडौँ । नेपाल सरकारले ‘प्रधानमन्त्री रोजगार कार्यक्रम’लाई आगामी आर्थिक वर्ष ०७७,७८ मा निरन्तरता दिने मात्र नभएर यसको दायार थप बढाइएको छ । सरकारले यसको दायरासमेत बढाएको र बजेट थपेको छ ।
अर्थमन्त्री युवराज खतिवडाले आगामी आर्थिक वर्ष ०७७,७८ का लागि बजेट प्रस्तुत गर्दै यस कार्यक्रमलाई आगामी आर्थिक वर्ष पनि निरन्तरता दिइएको जनाए।
अर्थमन्त्री खतिवडाले प्रधानमन्त्री रोजगार कार्यक्रमका लागि ११ अर्ब ६० करोड रुपैयाँ बजेट विनियोजन गरिएको जानकारी गराएका छन् । चालू आर्थिक वर्षमा यो कार्यक्रमको दुरुपयोग भएको व्यापक आलोचना भएको थियो । यस कार्यक्रमको बजेट सत्तारुढ दलले आफ्ना कार्यकर्तालाई बाँढेको र बाटोको झार उखेलेर समेत यो बजेट सकिएको भन्दै विरोध समेत आएको थियो ।
