काठमाडौं । जनता समाजवादी पार्टीकी नेतृ एवम् सांसद सरिता गिरीको घरको मूलढोकामा ढुंगामुढा गर्नेलाई प्रहरीले पक्राउ गरेको छ । घरको मूलढोकामा ढुंगामुढा गरेको आरोपमा बाजुरा जिल्ला स्थायी घर भई काठमाडौंको कीर्तिपुरमा बस्दै आएका २८ वर्षीय हेमराज थापा पक्राउ परेका छन् ।
मंगलबार सांसद गिरीको काठमाडौंको विशालनगरस्थित घरको मूलढोकामा ढुंगामुढा गरी क्षति पुर्याएको आरोपमा प्रहरीले थापालाई शुक्रबार बिहान पक्राउ गरेको छ ।
प्रहरीले थापालाई उक्त घटनाको भिडियो बनाई युट्युबमा अपलोड गरेको र सो विषयमा सोधपुच्छ गर्ने क्रममा प्रहरीमाथि नै जाइ लागेपछि पक्राउ गरिएको महानगरीय प्रहरी परिसर काठमाडौंले जनाएको छ ।
